طريقة طبخ الرز البرياني

اكسبرس (في حوالي ساعة الاربع) :
المقادير :-
1. بصل (ثنتين لكل دجاجه)
2. طماط (خمس لكل دجاجة)
3. زيت
4. زنجبيل مبشور
5. ثوم حسب الرغبة (ما فيه ريحة لأنه مطبوخ مرة)
6. زبادي (او لبن)
7. دجاج او لحم و يفضل مقطع قطع صغيرة...
8. بطاطس (شوي مرة)
9. بهارات بيرياني (و انصح بـ برياني مصالحه من مهران)
10 . طبعا رز (يفضل المهيدب)

الطريقة :-
0. شب الضو على نار عالية ..
1. تكشن البصل الين حول ما يستوي

2. تحط الثوم و الزنجبيل و تحرك باستمرار الين يتغير لونهم شوي.
3. اضف الدجاج و قلقله لمدة دقيقتين و نصف
4. اضف الطماط و استمر في التحريك لمدة ثلاث دقايق ال ربع
5. اضف بهارات البرياني

. قلقل الجميع لمدة سبع دقايق و ربع مع التحريك المستمر لين تتعب و مهم جدا ان الطماط يستوى و يصير مثل كذا (او اكثر بعد) :-

7. اضف الزبادي (او اللبن اذا ما عندك مثلي) و البطاطس و استمر في التحريك لمدة خمس دقائق ثم تقصر عليه مرة و تغطيه لمدة 8 دقايق.
8. في هذة الاثناء تكون جهزت الرز في قدر ثاني و نقعته في موية و غسلته و نشفته و بعدين تذر عليه الملح و شوي زيت و تكب الموية الفايحه عليه و تحطه على نار حامية الين يبدى ينبل ثم تقصر علي مره و تغطيه (يعني تسوي رز ابيض مثل حق الاندنوسيات :



9. قبل ما يستوي الرز بخمس دقايق تاخذة و تكبه فوق خلطة دجاج البرياني



. بعد ست دقايق و اذا استوى الرز تقلبه في بلم (صحن) مثل كذا



لا انصح هنا بخلط الجميع لان طبعا الخلطة تبي تصير حارة شوي و ما كل يبي الحار و بالتالي كل يخلط مع الرز الكمية اللي يبيها اثناء الاكل ...كذلك شكل الرز حلو اذا صار مشكل ..

ارجوا ان تكون اعجبتكم

مشكورة اختى و انشاء الله نجربها فى رمضان

على الطبخة الرائعة